საქართველოს მოქალაქეობის მქონე სადოქტორო პროგრამებზე ჩაბარების მსურველებმაუნდა შემოიტანონ შემდეგი საბუთები:


• განცხადება რექტორის სახელზე (ფორმა ივსება ადგილზე);

• საქართველოს მოქალაქის პირადობის დამადასტურებელი მოწმობის ასლი;

• განმცხადებლის ავტობიოგრაფია (CV);

• 3 ფოტოსურათი (ზომით 3X4);

• მაგისტრის (ან მასთან გათანაბრებული) უმაღლესი აკადემიური სამუსიკო განათლების დამადასტურებელი დიპლომი და დიპლომის დანართი (დედანი);

• იმ პირმა, ვინც საზღვარგარეთ მიიღო განათლება, დამატებით უნდა წარმოადგინოს განათლების ხარისხის განვითარების ეროვნული ცენტრის მიერ გაცემული დოკუმენტი მიღებული განათლების აღიარების თაობაზე;

• გამოცდების საფასურის გადახდის დამადასტურებელი საბანკო ქვითარი (50 ლარი);

• სავარაუდო ხელმძღვანელის / ხელმძღვანელების წერილობითი თანხმობა;

• რეფერატი დისერტაციის თემაზე (10-12 გვ.) - მათთვის, ვინც აბარებს სამუსიკისმცოდნეო კვლევების სადოქტორო პროგრამებზე; დისერტაციის გაფართოებული გეგმა (5-6 გვ.) - მათთვის, ვინც აბარებს საშემსრულებლო ხელოვნებისა და კომპოზიციის სადოქტორო პროგრამებზე; (ელექტრონული და ამობეჭდილი სახით 2 ეგზემპლიარი);

• საშემსრულებლო ხელოვნების სადოქტორო პროგრამაზე სპეციალობის შემოქმედებით ტურში მისაღებ გამოცდაზე შესასრულებელი ნაწარმოებების ჩამონათვალი; საკონცერტო მოღვაწეობის დამადასტურებელი საბუთები (პროგრამები, აფიშები, ჯილდოები, დიპლომები, პრესა და ა.შ.).

• საშემსრულებლო ხელოვნების სადოქტორო პროგრამაზე სპეციალობიდან გამომდინარე, ორი გამოცდილი მუსიკოსის რეკომენდაცია. საკონცერტმაისტერო დაოსტატების სპეციალობაზე: პიანისტი-კონცერტმაისტერისა და ვოკალისტის, ინსტრუმენტალისტის ან დირიჟორის რეკომენდაციები; კამერული ანსამბლის სპეციალობაზე: პიანისტი-ანსამბლისტისა და სოლისტის (ფორტეპიანო) ან დირიჟორის რეკომენდაციები; სოლო ფორტეპიანოს სპეციალობაზე: სოლისტისა (ფორტეპიანო) და დირიჟორის, კომპოზიტორის ან სხვა ცნობილი მუსიკოს-შემსრულებლის რეკომენდაციები;

• კომპოზიციის სადოქტორო პროგრამაზე ჩარიცხვის მსურველმა უნდა წარმოადგინოს შექმნილი ნაწარმოებების ნუსხა; სხვადასხვა შემადგენლობისთვის განკუთვნილი სხვადასხვა ჟანრის (მათ შორის დიდი ფორმის - ოპერა, ბალეტი, კანტატა, ორატორია, ინსტრუმენტული ან საორკესტრო კონცერტი და ა.შ. - არანაკლებ 15 წუთისა) ნაწარმოებების პარტიტურები (არანაკლებ 5 ნაწარმოებისა) და აუდიო-ვიდეო ჩანაწერები;

• არსებობის შემთხვევაში უცხო ენის (ინგლისური, გერმანული, ფრანგული, იტალიური, რუსული) B2 დონეზე ცოდნის დამადასტურებელი საერთაშორისო აღიარების მქონე სერტიფიკატი; ამ შემთხვევაში აპლიკანტი თავისუფლდება უცხო ენის გამოცდიდან. (თუ აპლიკანტის მშობლიური ენა არ არის ქართული, მან უნდა წარმოადგინოს ქართული ენის B2 დონეზე ცოდნის დამადასტურებელი სერტიფიკატი.